Abt Dr. Sigisbert Mitterer OSB (20. Juli 1891 – 1. September 1968)
Kalendis Septembribus in nosocomio Monacensi senio confectus, sacramentis Ecclesiae munitus pie obdormivit in Domino Reverendissimus Dominus Dr. Sigisbertus Mitterer OSB, secundus abbas restauratae abbatiae. Qui natus die 20 Julii anni 1891 in foro Gars ad Oenum flumen sito a piis parentibus nomine baptismali Antonius vocatus est. Studiis litterarum in gymnasionostro et Metamensi completis die 3 Septembris anni 1911 scapulari novitii indutus die 12 Septembris anni 1912 prima votaprofessus est. Die 29 Junii anni 1916 in presbyteratus ordinem receptus, studiis theologiae, philologiae classicae et germanisticae,historiae functus per plus quam quinquaginta annos adolescentium animis in gymnasio et instituto paedagogico nostro excolendismagna cum alacritate et ardore operam navavit.
Die 4 Aprilis anni 1929 successor defuncti abbatis Sigisberti Liebert electus, die 28 Aprilis confirmatus die 20 Maii benedictionem abbatialem accepit. Super quinque lustra munia visitatoris et praesidis Congregationis Benedictinae Bavaricae strenue implevit. Qua erat indole praeditus ad dicendum, familiae suae monasticae, multis monasteriis permultisque sacerdotibus saecularibus in exercitiis spiritualibus omnique plebi Dei in diversis paroeciis evangelium praedicavit. Anno 1963 regimine abbatiae libere cessit. Patris nostri corpus mortale die 5 Septembris in ecclesia abbatiali condidimus. Eius animae utorantes et in eucharistia commemorantes suffragium feratis, enixe precamur, ad eandem caritatem paratissimi.
Abbas Ambrosius Rueß et Conventus
P. Angelus Sturm OSB (10. Februar 1886 – 24. Mai 1968)
Die 24 mensis Mai 1968 post brevem morbum pie in Domino obiit dilectus confrater noster R. P. Angelus Sturm OSB professus et sacerdos jubilaris.
Natus erat 10. 2. 1886 in Pavelsbach (Dioec. Eystettensis). Studiorum curriculo decurso, 29. 6. 1909 sacerdotio initiatus est et omnibus viribus curae animarum se dedit. Sed desiderium vitae monasticae eum mox in monasterium nostrum perduxit, ubi 6. 8. 1912 votis se Deo mancipavit. Per unum annum cooperatoris munere in parochia nostra Neuhausen functus est. Studiis·deinde philologiae classicae in universitatibus Monacensi et Herbipolensi persolutis, per 50 fere annos magister, praeclara docendi facultate ornatus, adolescentulis imbuendis in nostra schola assidue operam navabat. Insuper, cum esset omni bono intentus, tum scientiis, tum historiae et artibus occupabatur necnon ludos scenicos ad illustranda praecipua salutis mysteria composuit. Fidelium confessionibus indefesse incubuit. Per plurimos quoque annos tertium S. Francisci ordinem magno zelo moderavit. Familiae nostrae in variis officiis fideliter servivit, religionis ac pietatis exemplum·omnibus praebuit, fratrum defunctorum rotulas decore conscripsit.
Ut fidelem famulum suum Christus suscipiat in regnum suum gloriosum, pietatis fraternae suffragia petimus et orabimus pro vestris.
Ex monasterio S. Michaelis de Metten Abbas et Conventus